Туман Бандликка кўмаклашиш марказига иш сўраб мурожаат қилган, ишсиз деб эътироф этилган ва иш қидирувчи сифатида рўйхатга олинган фуқароларни 2017 йилда касбга тайёрлаш, қайта тайёрлаш, уларнинг малакасини ошириш, ҳақ тўланадиган жамоат ишларини ташкил қилиш ҳамда ишсизлик нафақаларини тайинлаш тўғрисида.

Ўзбекистон Республикасининг «Аҳолини иш билан таъминлаш тўғрисида»ги қонунининг 3,22,23,26-27-28-моддаларига ҳамда Ўзбекистон Республикаси Мехнат ва аҳолини ижтимоий муҳофаза қилиш вазирлигининг 1999 йил 24 апрелдаги 2/6-сонли ҳайъат қарори билан тасдиқланган ва Адлия вазирлиги томонидан 1999 йил 2 июлда 762-сон билан давлат рўйхатидан ўтказилган «Ишсиз шахсларни касбга тайёрлаш, қайта тайёрлаш, уларнинг малакасини ошириш ва хақ тўланадиган жамоат ишларига жалб қилиш ва ишсизлик нафақаларини тайинлаш ҳамда тўлаш тўғрисида»ги Низоми ва туман Бандликка кўмаклашиш марказининг 2017 йил 02 февралдаги 15-сонли хатини кўриб чиқиб, Ўзбекистон Республикаси “Маҳаллий давлат ҳокимияти тўғрисида”ги Қонунининг 25-моддасига асосан

Қ А Р О Р Қ И Л А М А Н :

1. Ўзбекистон Республикасининг «Аҳолини иш билан таъминлаш тўғрисида»ги қонунининг 3,22,23,26-27-28-моддаларитуман “Бандликка кўмаклашиш марказининг тумандаги ишсиз фуқароларни касбга тайёрлаш, қайта тайёрлаш, малакасини ошириш, ҳақ тўланадиган жамоат ишларини ташкил этиш ҳамда ишсизлик нафақаларини тайинлаш ва тўлаш тўғрисида”гитаклифи асос учун қабул қилинсин.

2. Туман “Бандликка кўмаклашиш маркази”га иш сўраб мурожаат қилган ишсизлик мақоми берилган ва иш қидирувчи сифатида рўйхатга олинган фуқароларга ҳақ тўланадиган жамоат ишлари ва касбга тайёрлаш, қайта тайёрлаш, малакасини ошириш, ишсизлик нафақаларини тайинлаш ҳамда тўлашни ташкил этиш бўйича иловага мувофиқ ишчи гурух тузилсин.

3. Туман “Бандликка кўмаклашиш маркази” (А.Закиров) касб-хунар коллежлари билан ҳамкорликда тумандаги хўжалик юритувчи субъектлар томонидан берилган бўш иш ўрни захирасини тўлдириш мақсадида марказда ишсиз сифатида рўйхатга олинган фуқароларни 2017 йил учун белгиланган бандлик дастурига мувофиқ ўз хоҳишлари билан касбга тайёрлаш, қайта тайёрлаш, малакасини ошириш, ҳақ тўланадиган жамоат ишларини ташкил этиш ва ишсизлик нафақаларини тайинлаш ҳамда тўлашни таъминласинлар.

4. Касбга тайёрлаш, қайта тайёрлаш, малакасини оширишни ташкил этишга ўқитилаётган ва қатнашаётган ўқувчиларнинг стипендиялари, ўқитиётган ўқитувчи, ишлаб чиқариш таълими устаси маошлари ҳамда хақ тўланадиган жамоат ишларига йўналтирилган ишсиз фуқароларнинг иш ҳақлари ва бошқа харажатлар «Иш билан таъминлашга кўмаклашувчи давлат жамғармаси» ва корхона, муассаса, ташкилот ва фермер хўжаликлари ҳисобидан амалдаги тартиб қоидалар асосида қоплансин.

5. Туман Бандликка кўмаклашиш маркази (А.Закиров)га ишсизларни касбга тайёрлаш, қайта тайёрлаш, малакасини ошириш ва ҳақ тўланадиган жамоат ишларига йўналтириш, ишсизлик нафақаларини тайинлаш, тўлаш ва ишга жойланишни ташкил этишни қатъий назоратга олиш, туман ҳокимлигига ушбу қарорни ижроси юзасидан ахборот бериб бориш вазифаси топширилсин.

6. Мазкур қарорнинг бажарилишини назорат қилиш туман ҳокимининг ўринбосари Б.Тўламирзаев зиммасига юклатилсин.

Туман ҳокими Н.Хайиталиев

Ушбу қарор қабул қилиниши муносабати билан Туман Бандликка кўмаклашиш марказига иш сўраб мурожаат қилган, ишсиз деб эътироф этилган ва иш қидирувчи сифатида рўйхатга олинган фуқароларни 2017 йилда касбга тайёрлаш, қайта тайёрлаш, уларнинг малакасини ошириш, ҳақ тўланадиган жамоат ишларини ташкил қилиш ҳамда ишсизлик нафақаларини тайинлаш тартибга солинади.