Қанлыкөл районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында

Өзбекистан Республикасы Министрлер Кеңесиниң 2003-жыл 31-январдағы 54-санлы қарары менен тастыйықланған «Транспорт қуралларын мәжбүрий техникалық көриктен өткериў тәртиби туўрысында»ғы Нызамы (Ўзбекистон Республикаси Қонун ҳужжатлари тўплами, 2003 йил, 1-2-сон, 17-модда)на тийкар ҳәм Қарақалпақстан Республикасы Министрлер Кеңесиниң 2016-жыл 4-январдағы 02-08/7-01/2-санлы мәжлис баянламасын басшылыққа алып, «Жергиликли мәмлекетлик ҳәкимияты ҳаққында»ғы Өзбекистан Республикасы Нызамының 6-статьясы (Ўзбекистон Республикаси Олий Кенгашининг Ахборотномаси, 1993 йил, 9-сон, 320-модда)на муўапық район аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў мақсетинде,

Қанлыкөл районы аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў ҳаққында

Өзбекистан Республикасы Министрлер Кеңесиниң 2003-жыл 31-январдағы 54-санлы қарары менен тастыйықланған «Транспорт қуралларын мәжбүрий техникалық көриктен өткериў тәртиби туўрысында»ғы Нызамы (Ўзбекистон Республикаси Қонун ҳужжатлари тўплами, 2003 йил, 1-2-сон, 17-модда)на тийкар ҳәм Қарақалпақстан Республикасы Министрлер Кеңесиниң 2016-жыл 4-январдағы 02-08/7-01/2-санлы мәжлис баянламасын басшылыққа алып, «Жергиликли мәмлекетлик ҳәкимияты ҳаққында»ғы Өзбекистан Республикасы Нызамының 6-статьясы (Ўзбекистон Республикаси Олий Кенгашининг Ахборотномаси, 1993 йил, 9-сон, 320-модда)на муўапық район аймағында барлық хожалық жүргизиўши субъектлерге ҳәм пуқараларға тийисли болған автомототранспорт қуралларын ҳәм тиркемелерин мәжбүрий техникалық көриктен өткериў мақсетинде,

Ш Е Ш И М Е Т Е М Е Н:

1. Район аймағындағы жеке меншик транспорт қуралларын 2016-жыл 4-январьдан 31-август аралығында, халық хожалығы есабындағы транспорт қуралларын 2016-жылдың 1-марттан 30-июнь аралығында техникалық көриктен өткерилсин.

2. Район аймағындағы транспорт қуралларын техникалық көриктен өткериў бойынша дүзилген исши топар 1-санлы қосымшаға, район аймағындағ мәкеме, кәрхана шөлкемлер ҳәм хожалықлардың есабындағы транспортларды техникалық көриктен өткериў кестеси 2-санлы қосымшаға муўапық тастыйықлансын.

3. Район мәкеме, кәрхана шөлкемлер ҳәм хожалықлар басшылары өзлериниң есабындағы транспорт қуралларын 2016-жылға техникалық көриктен өткериўге таярлаў жумысларын алып барылсын ҳәм 2-санлы қосымшадағы кестеде белгиленген мүддет ишинде өткериўдиң барлық илажларын көрсин.

4. Техникалық көриктен өткериўди төмен дәрежеде шөлкемлестирген мәкеме, кәрхана, шөлкемлер ҳәм хожалық басшыларының жумысларын район ҳәкимлиги жанындағы жол ҳәрекети қәўипсизлигин тәмийнлеў бойынша комиссия мәжлисинде тыңланып, оларға тийисли шаралар қолланылатуғынлығы ескертилсин.

5. Усы қарарға муўапық район аймағындағы хожаллық, мәкеме, кәрхана өзлериниң хожалық есабындағы автотранспорт қуралларын ҚР ИИМ ЖҲҚБ қараслы Қоңырат ТРИБ () менен салыстырмалы түрде далалатнама дүзип, 15-күн мүддет ишинде Қанлыкөл РИИБ ()не тапсырылсын.

6. «Қанлыкөл хабарлары» газетасы бас редакторына (К.Тилеўов), транспорт қуралларын мәжбүрий техникалық көриктиң басланғанлығын ҳәм өткериў барысын газета бетлеринде жәриялап барыў тапсырылсын.

7. Қанлыкөл районы ҳәкиминиң 2015-жыл 12-февраль күнги 84/2-санлы шешими өз күшин жоғалтқан деп есаплансын.

8. Бул шешим район ҳәкимлигиниң веб-сайтында ҳәмде «Қанлыкөл хабарлары» газетасында рәсмий жәриялансын.

9. Усы шешимниң орынланыўын қадағалаў район ҳәкиминиң биринши орынбасары А.Ибраимовқа жүкленсин.

10. Бул шешим рәсмий түрде жәрияланған күннен баслап күшке киреди