Самарқанд шаҳри ҳудудида қатнайдиган йўловчи

ташиш транспорти хизматларининг тарифи тўғрисида

Ўзбекистон Республикасининг “Шаҳар йўловчилар транспорти тўғрисида”ги Қонуни (Ўзбекистон Республикаси Олий Мажлисининг Ахборотномаси, 1997 й., 4-5 сон, 124 модда), Вазирлар Маҳкамасининг1994 йил 8 сентябрдаги 455-сонли “Шаҳар ва шаҳар атрофида қатнайдиган йўловчи ташиш транспорти хизматларининг тарифлари тўғрисида”ги қарори ҳамда Ўзбекистон Республикаси Молия вазирлигининг 2016 йил 26 майдагиМ/М15-04-34-11/771228 сонли хати ва ёқилғи энергетика ресурсларининг нархи ошганлигини инобатга олиб

ҚАРОР ҚИЛАМАН:

1. 2016 йил 20 июндан бошлаб Самарқанд шаҳри автобус йўловчи транспорти хизматларининг чекланган тарифи бир марта юриш учун 900 (тўққиз юз) сўм миқдорида белгилансин.

2. Вилоят ҳокимлиги Молия бошқармаси (Каримов), Давлат солиқ бошқармаси (Мирзарахимов)га юқорида ўрнатилган тарифларнинг тўғри қўлланилиши устидан доимий назорат ўрнатиш топширилсин.

3. Вилоят телерадиокомпанияси (Тўраев), “Зарафшон” ва “Самаркандский вестник” газеталари бирлашган таҳририяти (Тошев), “Овози Самарқанд” газетаси (Хидиров)ларга вилоятда йўловчи ташувчи транспорт воситаларининг фаолиятини такомиллаштириш борасида амалга оширилаётган чора-тадбирлар ҳамда аҳолига яратилаётган қулайликларни кенг равишда ёритиб бориш тавсия этилсин.

4. Ушбу қарор қабул қилиниши муносабати билан вилоят ҳокимининг 2014 йил 23 июндаги 122-Қ сонли (Зарафшон газетаси, 2014й., 77-сон) қарори ўз кучини йўқотган деб ҳисоблансин.

5. Мазкур қарор ижросини назорат қилиш вилоят ҳокимининг ўринбосари О.Очилов зиммасига юклатилсин.

Вилоят ҳокими З.Мирзаев